Այս գեղեցիկ 3 հարկանի առանձնատունը, որը տրվում է վարձակալությամբ գտնվում է Կիևյան փողոցի անաղմուկ ու հանգիստ հատվածում: Բնակելի մասը կազմում է 700 քմ մակերես, հողատարածքը զբաղեցնում է 550 քմ մակերես: Բացի 3 հարկից կա նաև նկուղ, որտեղ կա 1 ընդարձակ սրահ, 4 պահեստասենյակ, ընդարձակ խաղասրահ: Առանձնատունը գեղեցիկ շինություն է, կառուցվել է բարձրորակ նյութերով, արտաքին պատերը երեսպատվել են կարմիր տուֆով, բակը նույնպես ամբողջությամբ պարսպապատված է տուֆով: Տունն ապահովված է բոլոր կոմունալ հատմարություններով, բոլոր սենյակները կահավորված են նրբաճաշակ և բարձրորակ կահավորանքով, համալրված են ժամանակակից տեխնիկայով: Տեղադրված են պանորամային պատուհաններ, օդորակիչներ, անհատական ջեռուցման համակարգ, հատակը ծածկված է տաքացվող սալիկներով, սանհանգույցները սալիկապատված են եվրոպական արտադրության սալիկներով և հագեցած են սանտեխնիկայով: 1-ին հարկում կա նախասրահ, հյուրասենյակ, խոհանոց` դեպի այգի դուրս եկող տեռասայով, 2 ննջասենյակ (1-ը` մաստերբեդրում), 1 սանհանգույց, 2-րդ հարկում` նախասրահ, 3 ննջասենյակ (1-ը` մաստերբեդրում) 2 սանհանգույց, աշխատասենյակ` տեռասայով: 3-րդ հարկը բաց տարածք է, ունի 2 պահեստային սենյակ, 1 սանհանգույց, 3 բաց պատշգամբ: Տանիքը հարթ է և ունի մուտք 3-րդ հարկից, կարող է օգտագործվել տարբեր նախասիրությունների համար` որպես հանգստի գոտի: Բակը խնամված է, կա 4 մեքենայի համար բացօթյա ավտոկայանատեղի, ամառային խոհանոց` բուխարիով, կանաչապատ տարածք, 1 սանհանգույց, դարպասները հեռակառավարվող են: Տարածքն ապահովված է անվտանգության համակարգով` տեսախցիկներով, արտաքին լուսավորությամբ: Հարևանությամբ են բոլոր անհրաժեշտ խանութները և ժամանցի վայրերը: