Վաճառվում է երկհարկանի ժամանակակից շինությամբ և հետաքրքիր բազմաոճ ինտերիերով` յուրահատուկ գեղեցկությամբ վերանորոգված առանձնատուն, որի բնակելի մասը կազմում է 966 քմ, իսկ ընդհանուր հողատարածքը 2600 քմ է: Առանձնատունը գտնվում է Նորք-Մարաշ համայնքի Նորքի այգիներ փողոցում: Տունն ապահովված է հանգստի և ժամանցի համար բոլոր անհրաժեշտ պայմաններով: Այն ունի բարձրակարգ նորոգում, ապահովված է անհատական ջեռուցման և օդորակման համակարգերով: 1-ին հարկում առկա է հյուրասենյակ, ևս 2 ընդարձակ սրահներ, խոհանոց, 1 սանհանգույց և ձմեռային այգի` բարձր առաստաղով: 2-րդ հարկում կա հյուրասենյակ, 3 ննջասենյակ, 3 սանհանգույց, աշխատասենյակ, ընդարձակ զգեստասենյակ և տեռասա` գեղեցիկ տեսարանով: Սրահներն ունեն տարբեր մշակութային ոճերով հարդարանք, յուրաքանչյուր դետալ ընտրված է բծախնդրորեն: Դիզայնի մեջ օգտագործվել են վիտրաժներ, դարբնի աշխատանքներ, քար, փայտ, տանիքի կենտրոնական հատվածը ապակեպատ է, ինչն ավելի լուսավոր է դարձրել տարածքը: Սենյակները ընդարձակ են ու արևկող: Ամբողջ գույքը և տեխնիկան թանկարժեք ֆիրմային արտադրության են: Կան ներկառուցված պահարաններ: Տան հատակը ծածկված է մանրահատակով, մի մասը` պրեսգրանիտով և ամբողջությամբ տաքացվող է: Լոգասենյակները ընդարձակ են, սալիկապատված են, հագեցած են բարձրորակ սանտեխնիկայով: Բակում ունի բացօթյա լողավազան, ամառային զրուցարան` բուխարիով, այգի` պտղատու ծառերով և դեկորատիվ ծառերով: Տունն ապահովված է անվտանգության համակարգով, կա պահակակետ: