Վարձակալության է տրվում 2 հարկանի մոդեռն շինությամբ առանձնատուն քաղաքի էկոլոգիապես մաքուր էլիտար՝ Վահագնի թաղամասում: Բնակելի մակերեսը 650 քմ է, հողատարածքը՝ 400 քմ: Առանձնատունն ունի որակյալ վերանորոգում` եվրոպական ստանդարտներին համապատասխան: Տեղադրված է անհատական ջեռուցման համակարգ, օդորակիչներ, հատակը ծածկված է բարձրորակ լամինատով և սալիկներով, սանհանգույցները սալիկապատված են բարձրարժեք սալիկներով և հագեցած են սանտեխնիկայով: Բաղկացած է ընդարձակ հյուրասենյակից, ճաշասենյակից, խոհանոցից, 3 ննջասենյակից, 2 սանհանգույցից և բաց պատշգամբներից` գեղեցիկ տեսարաններով: Սենյակները լուսավոր են և հարմարավետ, կահավորված են ժամանակակից նորաոճ կահավորանքով, համալրված են տեխնիկայով և բոլոր անհրաժեշտ կենցաղային պարագաներով: Վահագնի թաղամասում առկա են բոլոր պայմանները բարեկեցիկ, անհոգ կյանք անցկացնելու համար: Թաղամասում գործում է շուրջօրյա անվտանգության ծառայություն, կանաչապատ տարածքները մշտապես խնամվում են այգեպանների կողմից, փողոցները մաքուր են և բարեկարգված, իրականացվում է աղբահանություն: Այստեղ կան տարբեր ոճերի առանձնատներ, թաունհաուսներ, «Արարատ Վելլի» ակումբը՝ լողավազանով, գոլֆի մեծ և փոքր դաշտերով, թենիսի կորտերով և խաղահրապարակով: