Վահագնի թաղամասում երկարաժամկետ վարձակալության է տրվում 2 հարկանի (նկուղով) նորակառույց առանձնատուն՝ բնակելի 550 քմ. մակերեսով և 1150 քմ տնամերձ հողատարածքով։ Առանձնատունը կապիտալ եվրո նորոգված է, ինտերիերը հագեցած է ջերմ գույներով և ինքնատիպ դիզայնով, տեղադրված են հատակից առաստաղ ձգվող վիտրաժներ։ Միջսենյակային դռները բարձրորակ փայտից են: Հատակը ծածկված է մանրահատակով և սալիկներով, սանհանգույցները սալիկապատված են և ապահովված սանտեխնիկայով: Ջեռուցումն ու հովացումը կատարվում է ֆալկոլների միջոցով: 1-ին հարկում առկա է հյուրասենյակ, խոհանոց, 1 նջասենյակ և 1 սանհանգույց, 2-րդ հարկում 5 ննջասենյակ, որից մեկն ունի առանձին սանհանգույց և բաց պատշգամբ, ևս 1 սանհանգույց հարկում և 2-րդ բաց պատշգամբը: Նկուղը ծառայում է որպես ժամանցի սրահ, որտեղ կա 2 հանգստի սենյակ, բիլիարդ, շոգեբաղնիք, խորդանոց, 1 սանհանգույց և կաթսայատուն: Առկա է ավտոտնակ` 2 մեքենայի համար նախատեսված: Բակը խնամված է, առկա է բացօթյա լողավազան, ամառային ցնցուղ, կանաչապատ տարածք` գեղեցիկ եղևնիներով, ամառային զրուցարան` բուխարիով: Թաղամասում գործում է անվտանգության ծառայություն, փողոցները մաքուր են և բարեկարգված, իրականացվում է աղբահանություն: Այստեղ կան տարբեր ոճերի առանձնատներ, թաունհաուսներ, արհեստական լճակ, բացօթյա լողավազան, գոլֆի մեծ և փոքր դաշտեր, թենիսի կորտեր և խաղահրապարակ: